“Ozark”, seria e Netflix me protagosnit Bateman dhe Laura Linney, mori dritën jeshile për një sezon të tretë, të përbërë nga 10 episode të reja, që do të debutojnë në ekran në vitin 2019.
Seriali ka si protagonist Marty Byrde (Bateman) dhe të shoqen e tij, Wendy (Linney), të angazhuar në transferimin nga periferia e Chicago-s në një resort në Ozarks të Missouri-t. Drama eksploron zgjedhjet që kapitalizmi të detyron të marrësh, dinamikat familjare dhe luftën për mbijetesë, të parë nga sytë e një familjeje tradicionale amerikane.
Sezoni i parë i serialit pati plot pesë nominime për çmimet “Emmy”, ndër të cilët edhe në kategorinë Aktorja më e Mirë.
Në kast bëjnë pjesë gjithashtu Esai Morales, Julia Garner, Marc Menchaca, Jason Butler Harner dhe Harris Yulin.
Source: Televizion