Gjatë një audicioni për aktorë, Stallone vendosi të luante kartat e tij dhe pak para se te largohej nga studioja i tha producentëve se përveç aktrimit, kishte edhe një pasion për të shkruar. Për tre ditë ai shkroi historinë e Rocky-t, historinë e jetës së tij dhe suksesi i atij filmi i ndryshoi jetën përgjithmonë. Por kush e ka frymëzuar atë për të shkruar këtë histori? Gjatë një interviste të fundit, Stallone deklaroi se ka qenë ndeshja e vitit 1975 mes Muhammad Ali dhe Chuck Wepner që e ka frymëzuar për Rocky-n.
“Chuck Wepner ishte në thelb një djalë që të gjithë e konsideronin një shaka. Ai njihej si Bayonne Bleeder dhe ishte e qartë se kontributi i tij i vetëm i rëndësishëm në historinë e boksit do të ishte sa keq Ali do ta shkatërronte atë. Askush nuk e shqyrtoi nëse ai mund të fitonte ndeshjen, kjo nuk ishte aspak e dyshimtë, por gjithsecili po pyeste sa do të merrte një rrahje – dhe sa do të zgjaste. Mundësitë e Wepner ishin në thelb një në një milion dhe nuk mund të viheshin as baste për ndeshjen. Kështu që unë u ula atje duke parë dyluftimin, me një turmë veçanërisht të etur për gjak, dhe ishte e tmerrshme. Djali as nuk dukej si një boksier. Ai ishte tmerrësisht i pakualifikuar dhe ai dukej si një qese e rëndë me syze. Ishte vërtet e trishtuar. Pastaj, papritur, ndodhi diçka e pabesueshme. Nga askund, Wepner rrëzoi Aliun e pavdekshëm. Në të vërtetë, Rocky nuk ishte për boksin, por për triumfin personal”, deklaroi Stallone.
Source: Televizion