Sylvester Stallone po merret me një tjetër projekt. Mësohet se ylli i kinematografisë do të jetë producent dhe aktor në serialin policor të titulluar “The Tenderloin”. “The Tenderloin” do të jetë një serial kontrovers dhe përqendrohet në historinë e vërtetë e të parit dhe të vetmit oficer policie në historinë e SHBA-së të dënuar dhe ekzekutuar për vrasje, Charles Becker. Historia do të jetë interesante në tregimin e ‘luftërave’ të vërteta të Charles Becker në vitin 1910. Ky serial thuhet se është një projekt pasioni për Stallone, i cili ka zbuluar fakte të reja në çështjen Becker dhe do të hedhë dritë mbi anti-heroin. Source: Televizion
Rita Ora dhe marka gjermane e modës Escada po përgatiten për një kauzë të përbashkët: “Moda për gratë e pavarura dhe të forta”. Këngëtarja shqiptare së bashku me drejtorin e dizajnit global të “Escada”, Niall Sloan kanë krijuar një linjë të veçantë të çantave. Escada do të dhurojë 15 euro nga çdo çantë e shitur për “Women for Women International”. Gjatë një interviste së fundmi, Ora ka deklaruar se do të rikthehet në Kosovë në prill për të bërë disa punë bamirësie me Fondin e Kombeve të Bashkuara për Fëmijë (UNICEF). Source: Tendence
Familja e DJ të famshëm, Avicii që u gjet i vdekur në dhomën e tij të hotelit në Oman në prill të vitit 2018, ka njoftuar ngritjen e një fondacioni të ri. Fondacioni është ngritur në kujtim të DJ për të mbledhur para dhe ndërgjegjësimin për sëmundjen mendore dhe parandalimin e vetëvrasjeve. DJ suedez, emri i vërtetë i së cilit është Tim Bergling, luftoi me abuzimin me substancat narkotike dhe depresionin. Fondacioni Tim Bergling gjithashtu do të trajtojë çështje si ndryshimet klimatike dhe ruajtjen e natyrës. Source: Tendence
Këngëtarja Jessie J mori urime të shumta për ditëlindje dhe nje prej tyre ishte edhe ai i mikut të saj më të mirë Eduardo Ponce. Shoku më i ngushtë i saj ka publikuar një foto ku këngëtarja është nudo në kabinën e dushit ndërsa si shfaqet Eduardo, shikojeni vetë! “Fotoja që Eduardo postoi për ditëlindjen time. Kjo foto thotë gjithçka rreth shoqërisë sonë, i dashuri im sekret”, shkruan këngëtarja britanike. Source: Tendence
Katy Perry dhe Orlando Bloom u fejuan ditën e Shën Valentinit dhe tani po planifikojnë të marrin hapin e radhës. Një burim tha për “E! News” se çifti kanë filluar të flasin për ditën e madhe por ende nuk kanë marrë një vendim. “Por një gjë është e sigurt. Duan të jetë diçka e përsosur,”-shtoi burimi. Të dy kanë qenë martuar më parë. Katy ishte martuar me komedianin Russell Brand, ndërsa Orlando me modelen e Victoria’s Secret, Miranda Kerr. Source: Tendence
Ai është një ndër regjisorët me inovativë në qarkullim dhe bota është e etur të dëgjojë më shumë rreth projekteve të Jordan Peele. Regjisori deklaroi se nuk ka ndërmend që të ketë një personazh kryesorë të bardhë në filmat e tij dhe se do të vazhdojë me personat më ngjyrë. “Dua të kem njerëz me ngjyrë në filmat e mi. Ndihem me fat që jam në pozitën ku i kërkoj ‘Paramuont Pictures’ 20 milionë dollarë për një film horror me një familje me ngjyrë”, deklaroi Peele. Source: Televizion
Tom Cruise ia ka ndaluar ish-bashkëshortes, Nicole Kidman që të marrë pjesë në dasmën e djalit të tyre. Connor Cruise, 24 vjeç, pjesëtar i besimit te shëntologjisë sikurse babai, së shpejti do të martohet me të dashurën italiane Silvia. “Tom është prapa kësaj dhe dëshiron t’ia ndaloj edhe përmes gjykatës. Ai dëshiron t’ia ndalojë Nicole që t’i afrohet dasmës pasi ajo nuk i përket religjionit të tyre”, thotë një burim për RadarOnline.com. E fejuara e Connor-it duket se është quajtur “Princesha e Sajentologjisë”, ndërsa ndjek gjithashtu fenë së bashku me familjen që u transferua nga Italia në Florida. Source: Tendence
Dolph Lundgren do të jetë protagonist i filmit “Dead Trigger”, ku tani është publikuar edhe traileri i tij. Filmi aksion do ta ketë premierën në muajin maj dhe fillon kur një virus misterioz vret miliarda persona dhe i kthen në zombie të etur për gjak. Lundgren interpreton Kapitenin Walker, i cili drejton një ekip elitar për të shkatërruar zombiet dhe shpëtuar botën. Source: Televizion
“Tom and Jerry”do të rikthehet në ekranin e madh. Tim Story, regjisor i “Fantastic Four” të vitit 2005, do të realizojë filmin e ri rreth maces dhe miushit më të famshëm në histori. “Warner Bros.” raportohet se ka vendosur që personazhi negativ i këtij projekti të ketë zerin e aktorit Peter Dinklage. Puna për këtë projekt do të nisë këtë vit dhe premiera e tij do të jetë më 16 prill të vitit 2021. Në këtë film do të kemi edhe një personazhe të re me emrin Kayla, e cila do të ndihmojë Tom që të ndalojë Jerry-n që të largohet nga disa ngjarje. “Tom and Jerry” është një serial amerikan i animuar i krijuar në vitin 1940 nga William ...
Angelina Jolie raportohet se do të interpretojë në filmin cinecomic “The Eternals”, duke debutuar në Marvel Cinematic Universe. Për momentin, informacionet rreth “The Eternals” janë të pakta dhe ende nuk dihet roli i aktores së famshme. Filmi, i frymëzuar nga kartonët e animuar të Jack Kirby, tregon historinë e një race antike njerëzish me fuqi të jashtëzakonshme të krijuar nga Celestials, që mbrojnë botën tonë. Source: Televizion